Украина президенті Владимир Зеленский Киев қарулы күштердің санын қысқарту және елдің бейтарап мәртебесін белгілеу мәселелерін талқылауға келіспейтінін мәлімдеді. Бұл туралы ол ықтимал үшжақты келіссөздерге дайындық аясында «1+1» телеарнасына берген сұхбатында айтты.
Украина басшысының сөзінше, қарашаға жоспарланған кездесуде мемлекет басшылары деңгейінде келіссөз өткізу мүмкіндігі қарастырылуы тиіс.
Зеленский аумақтық мәселелерді тек ел басшылары шеше алатынын атап өтті. Сонымен қатар Киев Ресей ұсынған қауіпсіздік шарттарын қабылдауға ниетті емес.
Украина тарапы АҚШ ұсынған аумақ алмасу нұсқасын да қолдамайды.
Бұдан бөлек, Зеленский серіктестерін Украина, АҚШ және Ресей басшыларының қатысуымен үшжақты келіссөздер өткенге дейін Ресейге қарсы санкцияларды алып тастауға асықпауға шақырды.
Бұған дейін Владимир Зеленский мен Ресей президенті Владимир Путин мұндай кездесу өткізу мүмкіндігі туралы мәлімдеген еді. Ал АҚШ президенті Дональд Трамп қақтығыс жақын арада аяқталатынына сенім білдірген.
