Уақыт берейік: Депутат пікірі

Уақыт берейік: ДЕПУТАТ ПІКІРІ
Жаңа Құрылтай жаңа үкіметті жасақтауға өз үлесін қосты. Олжас Бектенов бастаған министрлер кабинеті айтарлықтай өзгерген жоқ. Тек 4 министрліктің басшысы ауысты. Сыртқы істер министрлігін енді Мұхтар Тілеуберді басқарады. Бұған дейін ол Қазақстанның Аустриядағы Елшісі әрі Венадағы халықаралық ұйымдар жанындағы Тұрақты өкілі болған. Ал осыған дейін саланы басқарған Ермек Көшербаевтың қайда баратыны әзірге белгісіз. Төтенше жағдайлар министрі де ауысты. Шыңғыс Әрінов орнын Мұрат Мұхановқа босатып берді. Ол Маңғыстау облысы Төтенше жағдайлар департаментін басқарған. Ал зейнет жасына келген Ерлан Нысанбаев қызметінен кетіп, оның орнына Экология және табиғи ресурстар министрі болып Әлібек Қуантыров келді. Мәдениет және ақпарат министрлігін енді Арман Қырықбаев басқарады. Бұның алдында Қырықбаев Президенттің ішкі саясат және коммуникациялар жөніндегі көмекшісі болған еді.Су жаңа депутат Мақсұт Насибулов «Уақыт берейік.Бір жағынан жаңа, екінші жағынан жартылай жаңа министрлер кабинеті өз жұмысын көрсетеді деген ойдамыз»-дейді.