Бұл туралы Мемлекет басшысы «Қазмедиа орталығында» өткен арнайы таныстырылымнан кейін мәлімдеді.
Президенттің айтуынша, референдумда қазақстандықтар конституциялық реформаны қолдап, ел болашағы үшін тарихи таңдау жасады. Экзит-полл нәтижелері де халықтың жаңа Конституцияны қолдағанын көрсетті.
Қасым-Жомарт Тоқаев азаматтарға алғыс айтып, бұл дауыс беру ел тарихы мен тағдырын айқындайтын маңызды кезең болғанын атап өтті. Президенттің пікірінше, мұндай шешім әлем тарихында да сақталатын елеулі оқиға.
Мемлекет басшысы бұл таңдауды нағыз отаншылдықтың көрінісі деп бағалап, енді жыл сайын 15 наурыз Қазақстанның Конституция күні ретінде атап өтілетінін жариялады.
Президент бұл шешім елдің жаңару мен жаңғыру жолындағы ортақ жетістігі екенін айтып, қазақстандықтарды құттықтады.
