Қазақстанда әлеуметтік маңызы бар азық-түлік тауарлары бойынша отандық өнімдердің сөрелердегі үлесі 83%-ға жетті. Сауда және интеграция министрлігі фермерлердің сауда желілеріне тікелей шығуын күшейтіп, делдалдарды қысқарту және бағаны тұрақтандыру шараларын іске асыруда.
Астана қаласында «Родина» мен «Зенченко» өндірушілерінің 15 фирмалық дүкені жұмыс істейді, жыл соңына дейін олардың саны 20-ға дейін көбейеді. Сонымен қатар агромаркетплейс пен цифрлық азық-түлік ваучерлері енгізіліп, тұрғындарға өнімді 25%-ға дейін арзан сатып алу мүмкіндігі жасалуда.
2025 жылы сауда инфрақұрылымын дамытуға 67,5 млрд теңге бөлініп, 458 жоба іске асырылды. Үкімет үлгілі агроауылдардың тәжірибесін бүкіл ел бойынша таратуды жоспарлап отыр.
