Серік Сәпиев ҚР Туризм және спорт министрінің штаттан тыс кеңесшісі – жазғы ХХ Азия ойындарына дайындық штабының спорт бойынша үйлестірушісі болып тағайындалды.
Бұл шешім былтыр күшіне енген «Дене шынықтыру және спорт туралы» заңның жаңа редакциясында көзделген ротация аясында қабылданды , деп хабарлайды ведомстваның баспасөз қызметі.
Бокстан әлем чемпионы Серік Сәпиев бұған дейін Қарағанды облысының спорт және дене шынықтыру басқармасының басшысы болды. Бұл қызметтен Сәпиев орынбасары Дәурен Есімхановпен орын алған жанжалдан кейін кеткен еді.
Дәурен Есімханов та лауазымынан босатылды.
