Алғашқы кезеңде желі күніне 25-45 мың жолаушыны тасымалдайды деп күтілуде. Ұзындығы 22 шақырым болатын бағытты пойыздар шамамен 40 минутта жүріп өтеді.
Қытайда жасалған вагондар елорданың қатал қысына бейімделген: -30 градус аязда сынақтан өткен. Әр құрам 600-ден астам адамды тасымалдай алады, ал пойыздар аралығы 5-6 минут болады.
Ең қызығы — вагондардың шу деңгейі барынша азайтылған. Яғни, елорда тұрғындарын тыныш әрі жылдам сапар күтіп тұр.
