Оқу-ағарту министрлігінің Ішкі аудит департаменті «Өрлеу» біліктілікті арттыру ұлттық орталығы» АҚ қызметіне жүргізген аудит нәтижесінде 576,6 млн теңгенің бұзушылығы анықталды.
Аудит барысында қаржылық және рәсімдік заңбұзушылықтар, мемлекеттік сатып алу талаптарының сақталмауы, еңбекақы қорын тиімсіз жоспарлау және қаржыны мақсатсыз пайдалану фактілері тіркелген.
Сондай-ақ 2024–2025 жылдары 3 млрд теңгеден астам үнемделген қаражаттың кейін қызметкерлерге сыйақы ретінде төленгені белгілі болды.
Ұйымның қаржылық көрсеткіштері де нашарлаған. 2025 жылы жоспарланған кіріс толық орындалмай, жыл 437,6 млн теңге шығынмен аяқталған.
Аудит қорытындысы бойынша құқық қорғау органдарына 4 материал жолданып, әкімшілік құқық бұзушылықтар бойынша 8 материал рәсімделді.
