Мемлекет меншігіне қайтарылған 1 триллион теңгеден астам қаражат ел игілігіне бағытталуда.
Көлік саласында қайтарылған активтер есебінен жалпы құны 40 миллиард теңгеден асатын 6 ірі жоба жүзеге асырылып жатыр. Оның үшеуі қазірдің өзінде аяқталған.
Павлодар әуежайы жаңартылып, оның өткізу қабілеті сағатына 200-ден 300 жолаушыға дейін артты.
Арқалық әуежайында жаңа терминал салынып, ұшу-қону жолағы қайта жаңартылды. Бұл қала тұрғындарына 30 жылдан астам уақыттан кейін тұрақты әуе қатынасын қалпына келтіруге мүмкіндік берді.
Балқаш әуежайы да 1 маусымда пайдалануға берілді. Оны жыл сайын мыңдаған тұрғын мен турист пайдаланады.
Қайтарылған активтер енді нақты жобаларға жұмсалып, елдің инфрақұрылымын дамытуға қызмет етуде.
Яғни заңсыз активтер – мектеп, аурухана, спорт нысандары мен жол-көлік инфрақұрылымына қайта бағытталуда.
