Президент Қасым-Жомарт Тоқаев Республика күніне арналған салтанатты жиында Қазақстанның тәуелсіздік жылдарындағы қалыптасуы мен дамуына үлес қосқан азаматтардың еңбегін атап өтті, деп хабарлайды pikirmedia.kz. Мемлекет басшысы тәуелсіздіктің алғашқы жылдарындағы экономикалық қиындықтарды еске алып, Қазақстанның қалыптасу кезеңінде еңбек еткен азаматтардың үлесін бағалау қажеттігін айтты.
«Тұңғыш президент Нұрсұлтан Әбішұлы Қазақстанның тәуелсіз ел болып қалыптасуына, қиын экономикалық кезеңде дамуына және көптеген жетістікке жетуіне көп үлес қосты. Оның есімі ешқашан ұмытылмайды», – деді Тоқаев.
Сондай-ақ Президент ел тарихына әділ баға беріп, өткен кезеңдердің маңызын ұмытпау керектігін атап өтті.
