Қазақстанда мүмкіндігі шектеулі балаларға қолжетімді мектептің қандай болуы керектігін айқындайтын жаңа ұлттық стандарт қолданысқа енді.
ҚР СТ 4023-2025 стандарты 2026 жылғы 1 шілдеден бастап күшіне енді. Құжатты Қазақстан стандарттау және метрология институты әзірлеген.
Стандарт мектептегі қолжетімді ортаны тек пандуспен шектемейді. Онда мектеп аумағы мен ғимаратқа кіруден бастап, сыныптар, дәліздер, лифт, асхана, дәретхана, кітапхана, спорт және акт залдарына дейінгі талаптар қамтылған.
Мектептерде тактильді жолақтар, Брайль шрифті, жарық және дыбыстық ескерту жүйелері, қолжетімді лифт немесе көтергіш құрылғылар қарастырылуы тиіс. Сондай-ақ кресло-арбамен жүретін оқушыларға арналған арнайы орындар мен санитарлық кабиналар болуы қажет.
Сыныптар мен кітапханаларда көру, есту және қозғалыс ерекшеліктері ескеріліп, оқу материалдары мен жабдықтар бейімделуі ұсынылады. Дене шынықтыру мен мектеп іс-шараларына мүгедектігі бар балалардың басқа оқушылармен бірге қатысу мүмкіндігі де қарастырылған.
Жаңа стандарт мектептердің сәулеттік, ақпараттық және функционалдық қолжетімділігіне бірыңғай тәсіл қалыптастырады
