Елордада жүргізуші куәлігін заңсыз берумен айналысқан ұйымдасқан қылмыстық топтың ісі тергеуден өтті.
Тергеу мәліметінше, қылмыстық топ құрамында Арнайы халыққа қызмет көрсету орталығының қызметкерлері мен делдалдар болған. Бірі теориялық емтихан кезінде көмектессе, енді бірі практикалық емтиханнан өткені туралы жалған мәліметтерді ақпараттық базаға енгізген.
Осы схема арқылы 2025 жылы 74 адам жүргізуші куәлігін заңсыз алған. Олардың куәліктерінің күші жойылды,-деп хабарлайды Бас прокуратура.
Қылмысқа күдікті 10 адамның алтауы қамауға алынып, үшеуіне елден шықпау туралы қолхат берілген. Бір адам үйқамаққа алынған.
Қылмыстық іс сотқа жолданды.
