Президент Қасым-Жомарт Тоқаев қазақстандықтарды 23 тамызда өтетін Құрылтай сайлауына қатысуға шақырды. Мемлекет басшысы сайлау қарсаңындағы үндеуінде бұл елдің болашағына тікелей әсер ететін тарихи оқиға екенін атап өтті. Оның айтуынша, Құрылтайдың алғашқы сайлау науқаны ашық әрі бәсекелі жағдайда өтті. Саяси партиялар сайлаушылармен кездесулер өткізіп, өз бағдарламаларын таныстырды. Сондай-ақ жалпыұлттық теледебаттар мен әлеуметтік желілердегі пікірталастар ұйымдастырылды. Президент азаматтардың партиялардың ел болашағына қатысты ұстанымдарымен танысып, экономикалық, әлеуметтік және мәдени бастамаларын бағалауға мүмкіндік алғанын айтты. Тоқаевтың пікірінше, алдағы сайлау жаңа реформаларға жол ашып, Қазақстан дамуының жаңа кезеңінің басталуына негіз болады.
