14 тамызда Алматыда ауқымды электр энергиясының өшуі тіркелді. Ақау қаланың бірден бірнеше ауданын қамтып, күнделікті қалалық инфрақұрылымның жұмысына әсер етті.
Қала бірнеше сағатқа «жарықсыз қалды»
Электр қуаты өшкеннен кейін көптеген бағдаршам жұмыс істемей, көшелерде үлкен кептелістер пайда болды. Метро жұмысы да қиындады. Кей аудандардың тұрғындары электр энергиясының қайта қосылуын бірнеше сағат күтуге мәжбүр болды.
Апатқа «KEGOC» АҚ-ға тиесілі кернеуі 500 кВ әуе электр желілерінің ажыратылуы себеп болған. Энергетиктер қалпына келтіру жұмыстарын бастап, кейін электр қуатын тұтынушыларға кезең-кезеңімен бере бастады.
Блэкаут мегаполистің күнделікті өмірі электр жүйесінің тұрақты жұмысына қаншалықты тәуелді екенін көрсетті. Электрсіз үйлердегі тұрмыстық құрылғылар ғана емес, көліктің бір бөлігі, бағдаршамдар, сауда нысандары және басқа да қалалық қызметтер тоқтады.
Бизнес үшін де бірнеше сағаттық үзіліс айтарлықтай шығын әкелді. Сарапшылардың есептеуінше, Алматыдағы экономикалық белсенділіктің әр минуты шартты түрде ондаған миллион теңгеге тең.
