“Қазақтелеком” АҚ басшысы Бағдат Мусин бүгін Құрылтай сайлауында дауыс берді.
Ол әлеуметтік желідегі парақшасында технология мен цифрландыру саласындағы тәжірибесіне сүйене отырып, кез келген жүйе уақыт өте жаңарып отыруы керек екенін айтты. Оның пікірінше, қоғам мен мемлекет те заман талабына сай өзгеріп, жаңа міндеттерге бейімделуі қажет.
Мусин соңғы жылдары Мемлекет басшысы Қасым-Жомарт Тоқаевтың бастамасымен Қазақстанда ауқымды саяси өзгерістер болғанын атап өтті. Оның айтуынша, мемлекеттік институттар жаңарып, шешім қабылдау тәсілдері өзгеріп, қоғаммен ашық диалог пен жеке жауапкершілікке басымдық беріліп келеді.
