Мемлекет басшысы Қазақстанның егемендік жылдарында жеткен жетістіктерін атап өтіп, елдің Тәуелсіздіктің 35 жылдығына экономикасы қуатты, халықаралық беделі жоғары орта держава ретінде жеткенін айтты.
Президент жаңа Конституцияның күшіне енуі мемлекеттік басқару жүйесін жаңғыртуға және саяси, экономикалық, мәдени әрі әлеуметтік салалардағы өзгерістерге серпін бергенін атап өтті.
Сондай-ақ озық технологиялар мен жасанды интеллектіні дамыту, өндіріс орындарын ашу, инфрақұрылымды жаңғырту және әлеуметтік нысандар салу жұмыстары жалғасатынын жеткізді.
Мемлекет басшысы Заң мен Тәртіп, Тазалық, Бірлік пен Келісім құндылықтарын дәріптеудің маңызын атап өтіп, Әділетті, Қауіпсіз, Озық әрі Таза Қазақстан құру мақсатына тоқталды.
Президент отандастарға ізгі тілегін білдіріп, Республика күнімен құттықтады.
