Оқу-ағарту министрі Жұлдыз Сүлейменова мұғалімдердің жұмыс уақытынан кейінгі жеке уақытына құрметпен қарау қажеттігін айтты.
Министрдің сөзінше, мұғалімдер алты сабақтың өзінде шамамен 150 баламен жұмыс істейді. Одан кейін дәптер тексеріп, келесі сабақтарға дайындалады.
«Мұғалімнің жұмыс уақыты бар және жеке уақыты бар. Педагогтерге күш жинап, демалуына мүмкіндік беруіміз керек», – деді Жұлдыз Сүлейменова.
Министрлік ата-аналарға қатаң тыйым салмайды. Алайда баланың денсаулығы мен қауіпсіздігіне қатысты шұғыл жағдайлардан басқа мәселелер бойынша нақты байланыс тәртібі белгіленбек.
Яғни мұғалім де жұмыс уақыты аяқталған соң демалуға құқылы.
