Қазақстандағы ең қарт тұрғындардың бірі саналатын 116 жастағы Түймегүл Темірбаева Құрылтай депутаттарын сайлауға қатысып, өз таңдауын жасады.
Ұлытау облысының Қызылжар ауылында тұратын Түймегүл Темірбаева 1910 жылы дүниеге келген. Жасы ұлғайғанына қарамастан, ол азаматтық міндетін орындау үшін сайлау учаскесіне арнайы келген.
Дауыс бергеннен кейін ұзақ ғұмыр иесі ұрпақтарына мықты денсаулық пен амандық тілеп, елге бейбітшілік пен береке тіледі.
«Ұрпағымыз аман, дені сау болсын. Жерімізде бейбітшілік орнасын. Еліміздің болашағы жарқын болсын», – деді Түймегүл Темірбаева.
Айта кетейік, бұл оның қоғамдық маңызы бар шараға алғаш қатысуы емес. 2026 жылғы жалпыұлттық референдум кезінде де ол дауыс берген. Ол кезде жасы үлкен болуына байланысты үйіне көшпелі жәшік жеткізілген.
Түймегүл Темірбаева өмірінің басым бөлігін отбасына және еңбекке арнаған. Жұбайы Аязбай Темірбаевпен бірге жылқы шаруашылығымен айналысқан. Қазір оның 15 немересі және 25 шөбересі бар.
Бүгін, 23 тамызда, Қазақстанда Құрылтай депутаттарының сайлауы өтіп жатыр.
