Премьер-министр Олжас Бектеновтің тапсырмасымен Ақтөбе облысы Әйтеке би ауданы Бөгетсай ауылының шетінде болған жол-көлік оқиғасының себептерін тергеу жөнінде үкіметтік комиссия құрылды деп хабарлайды үкіметтің баспасөз қызметі.
Премьер-министр Комиссияға жұмысын дереу бастауды, жол апатының себептерін жан-жақты тексеруді, қаза болғандар мен зардап шеккендердің отбасыларына бірінші кезектегі көмек көрсету шараларын қабылдауды тапсырды.
Үкіметтің комиссияға премьердің орынбасары Қанат Бозымбаев жетекшілік етеді. Құрамында Ішкі істер, Еңбек және халықты әлеуметтік қорғау, Денсаулық сақтау және Көлік министрліктерінің жетекшілері, Ақтөбе облысы әкімдігінің басшылығы да бар.
Бүгін яғни 23 қазанда Самара-Шымкент тасжолының Белқопа ауылы маңында жүк көлігі мен жолаушылар мінген Газель соқтығысқан. Жол апаты салдарынан 12 жолаушы көз жұмды.
