Алматы қаласында қылмыстық іс аясында жүргізілген тергеу барысында Санжар Боқаев ҚР ҚПК-нің 128–131-баптарына сәйкес ұсталды,деп хабарлайды Бас Прокуратура.
Тергеу мәліметінше, ол әлеуметтік желілерде жалған ақпарат таратып, қоғамда теріс пікір қалыптастыру мақсатында саябақ аумағында ағаштарды заңсыз кесу және құрылыс нысандарынан ұрлық жасау туралы бейнематериалдар жариялаған деген күдікке ілінді.
Сонымен қатар, Боқаев аталған әрекеттерді өзі ұйымдастырып, қаржыландырғаны анықталуда. Алдын ала деректер бойынша, ол табысы төмен азаматтарды тартып, оларға ақша ұсынып, заңсыз әрекеттерге итермелеген.
Бұдан бөлек, күдікті аса ірі көлемде алаяқтық жасады деген күдікке де ілінген.
Қалған мәліметтер ҚР ҚПК-нің 201-бабына сәйкес жария етілмейді.
