Астанада Мемлекеттік рәміздер күніне арналған салтанатты шара өтті. «Атамекен» этномемориалдық кешенінде Мемлекеттік Ту көтеріліп, Әнұран шырқалды.
Рәсімге Президент Қасым-Жомарт Тоқаев қатысып, мемлекеттік рәміздер ел тәуелсіздігі мен ұлттық бірліктің басты нышандары екенін атап өтті.
«Ұлттық нышандарымызды ұлықтау – ортақ парыз. Бұл әр азаматтың міндеті. Түптеп келгенде, рәміздерді қастерлеу – мемлекетімізді құрметтеу деген сөз», – деді Мемлекет басшысы.
Биыл Қазақстан Тәуелсіздігінің 35 жылдығын атап өтеді.
