Аты шулы Перизат ісі бойынша Астана қаласының қылмыстық істер жөніндегі ауданаралық сотының үкімі шықты. Сот үкімі бойынша Перизат Қайрат 10 жылға сотталды. Ал анасы Ғайни Алашбаева 7 жылға бас бостандығынан айырылды.
Еске сала кетейік, Перизат Қайрат пен оның анасы қайырымдылыққа ақша жинап, оны өз пайдасына жаратты деп айып тағылған еді. Алайда Перизаттың қорғаушысы сот үкімімен келіспейтінін хабарлады. Адвокат Асланбек Дәулетияров апелляциялық шағым түсіретінін айтты.
