Продюсер Меруерт Өтекешеваны «мәңгілік Қыз Жібек, қазақ қызының символы» деп атап, келесі жылы өтетін «Қазақ аруы» байқауын актрисаға арнайтынын айтты. Сонымен қатар, оған тон сыйлады.
«Өз атымнан және жұбайымның атынан сізге ай сайын 1 миллион теңге көлемінде өмір бойғы алғыс сыйақысын тағайындағым келеді», – деді Баян Алагөзова.
Айта кетейік, жуырда «Қыз Жібек» фильміндегі камзол қоғамда қызу талқыға түскен еді. Баян Алагөзова оның жеке коллекциясында екенін және сыйлыққа алғанын айтқан. Осыған байланысты қоғам пікірі екіге бөлінді: бірі камзол музейде сақталуы керек десе, енді бірі оның сенімді қолға түскенін айтты.
