Мемлекет басшысы Қасым-Жомарт Тоқаев Армения Премьер-министрі Никол Пашинянды «Азаматтық келісім» партиясының парламенттік сайлаудағы жеңісімен құттықтады,-деп хабарлайды Ақорда.
Президент өз құттықтауында сайлаудың ашық әрі демократиялық талаптарға сай өткенін атап өтіп, Никол Пашинянға елдің ұзақмерзімді ұлттық мүдделері жолындағы қызметіне табыс тіледі.
Сонымен қатар Қасым-Жомарт Тоқаев Қазақстанның Армениямен барлық бағыттағы өзара тиімді ынтымақтастықты одан әрі нығайтуға дайын екенін жеткізді. Мемлекет басшысы армян халқына бейбітшілік, тұрақтылық және өсіп-өркендеу тіледі.
Бұл құттықтау екі ел арасындағы серіктестік пен өзара сенімнің жоғары деңгейін тағы бір мәрте айқындады.Арменияның Орталық сайлау комиссиясы парламент сайлауындағы барлық бюллетеньдерді толық санап шыққан.
Еске сала кетейік Арменияда өткен сайлауда премьер-министр Никол Пашинян жетекшілік ететін «Азаматтық келісім» партиясы 49,8% дауыс жинап, бірінші орын алды. Екінші орынға кәсіпкер Самвел Карапетян қолдайтын «Күшті Армения» партиялар блогы шықты. Ол сайлаушылардың 23,3% дауысын алды. Сондай-ақ парламентке бұрынғы президент Robert Kocharyan жетекшілік ететін «Армения» партиясы (9,9%) және «Гүлденген Армения» партиясы (4%) өтті.
Пашинянның партиясы ең көп дауыс жинағанымен, 50%-дан төмен нәтиже көрсеткендіктен, үкіметті жеке өзі құра алмайды. Соған қарамастан, ол парламенттегі орындардың басым бөлігін иеленеді.
