1 қыркүйек күні ұстазға гүл сыйлау – көп жылдан бері қалыптасқан жақсы дәстүр. Алайда бұл дәстүр ата-аналар үшін міндетке, жарысқа немесе қосымша шығынға айналмауы тиіс.
Білім беру ұйымдары гүл немесе сыйлық сатып алуға бастамашылық жасамауы, ата-аналардан ақша жинауды ұйымдастырмауы және гүл әкелуді міндеттемеуі керек,-деп ескертеді оқу-ағарту министрлігі.
Ең бастысы – сыйлықтың көлемі немесе бағасы емес, баланың ұстазына деген құрметі. Сондықтан гүл сыйлау әр отбасының ерікті таңдауы болуы қажет.
Мақсат – оқу жылының алғашқы күнін артық даңғазасыз, жылы әрі тәрбиелік мәнде өткізу. Бұл ретте балаларды ұстазды құрметтеуге, қарапайымдылық пен ізгілікке тәрбиелеу маңызды.
