Президент Қасым-Жомарт Тоқаев Қазақстанда жаңа жоғары консультативтік орган – Халық Кеңесі құрылатынын мәлімдеді.
Президенттің айтуынша, Халық Кеңесі қыркүйектің екінші жартысында жасақталады. Бұл – Қазақстан тарихындағы тұңғыш жоғары консультативтік орган болмақ.
Жаңа құрылым еліміздің этникалық, аймақтық, әлеуметтік және қоғамдық-саяси ерекшеліктерін бір арнаға тоғыстырып, заңнамалық бастама көтеру құқығына ие болады.
«Шын мәнінде, бұл – бірегей орган», – деді Мемлекет басшысы.
Президенттің пікірінше, қысқа уақыт ішінде биліктің барлық негізгі институттары жаңғырып, бұл алдағы реформаларға жаңа серпін береді.
