Өңірлерде құрылысы тоқтап қалған үйлер мәселесі әлі шешілмеген

Мәжіліс депутаты Ерболат Саурықов Аққыстау ауылына сапары барысында құрылысы тоқтап қалған үш қабатты, 60 пәтерлік 3 тұрғын үй нысанын аралап көрді.

Бұл үйлердің құрылысы 2019 жылы басталғанымен, соғылған үйлердің қабырғалары жарылып, апаттық деп танылуына байланысты құрылыс жұмыстары әкімшілік тарапынан тоқтатылған.

Дәл қазіргі уақытта салынған үйлерге 2.3млрд. қаржы кеткен. Ғимараттардың қаңқасы тұрғызылғанмен, ішкі әрлеу, инженерлік жүйелер мен абаттандыру жұмыстары жүргізілмеген.

Тұрғындар мен жергілікті әкімдік өкілдері аталған нысандардың аяқталуы — баспана кезегінде тұрған азаматтар үшін аса маңызды екенін жеткізді. 

Депутат бұл мәселені жауапты органдармен бірлесе қарап, шешу жолдарын қарастыратынын айтты. Сонымен бірге «ҚазҚСҒЗИ» АҚ — құрылыс саласындағы мемлекеттік ғылыми-зерттеу және жобалау институтынан арнайы мамандар шақырып, тұрғын үй кешені туралы шешім шығару керектігін айтты. Құрылыс тоқтап тұрған үйлер — тек ауыл тұрғындарының ғана емес, жалпы өңірлік дамудың өзекті мәселесі ретінде қаралуы тиіс екенін атап өтті.

https://www.instagram.com/reel/DLz_7T_ohZW/?igsh=MXRmYTVkb201ZTRtNA==

Тағы оқыңыз...

Сот FlyArystan-ның әрекетін заңсыз деп таныды

Сот Сауда және интеграция министрлігінің FlyArystan компаниясына берген нұсқамасын заңды деп таныды. Тексеру барысында әуе компаниясының ішкі ережелерінен...

 «ЕКІНШІ ДЕҢГЕЙЛІ БАНКТЕР АУЫЛ ШАРУАШЫЛЫҒЫН КРЕДИТТЕУГЕ БЕЛСЕНДІ АТСАЛЫСУЫ КЕРЕК»

https://youtu.be/q4wl6Ud4f1k «Бұл жөнінде де ұдайы айтып жүрміз. Әлбетте, оңай шаруа емес. Өйткені банктер – жекеменшік. Осы ретте кредитті шаруаларға...

ӨҢДЕУ СЕКТОРЫ: ӨНДІРІСТІК ТІЗБЕКТЕР ЭКОНОМИКАЛЫҚ ӘЛЕУЕТТІ АРТТЫРАДЫ

Қазақстанда өңдеу секторын дамытудың жаңа кезеңі өндірістік кооперацияны кеңейту және отандық кәсіпорындардың технологиялық мүмкіндіктерін арттырумен байланысты. Бұл...