Астана күні қарсаңында үздік отбасылар марапатталды

Астана күні қарсаңында ҚР Ұлттық музейінде «Отбасы – бақыт мекені» жобасы аясында өткен «Біздің жүрегіміздегі Астана» бейнероликтер байқауының жеңімпаздары марапатталды.

Байқаудың мақсаты – жас отбасылардың шығармашылығын қолдау, отбасы құндылықтарын дәріптеу және елордаға деген сүйіспеншілікті насихаттау. Байқауға Астанадан 30-ға жуық жас отбасы қатысып, Астанамен байланысты ең жарқын естеліктерін бейнеролик арқылы ұсынды. Жеңімпаздар Instagram әлеуметтік желісіндегі лүпіл (лайк) саны бойынша анықталды.

Салтанатты рәсімге Астана қаласының Жастар саясаты мәселелері басқармасының басшысы Самат Ибраев, Астана қаласы мәслихатының депутаттары, қоғамдық ұйымдар мен Әйелдер істері және отбасылық-демографиялық саясат жөніндегі комиссия мүшелері қатысты.

Самат Ибраев өз сөзінде байқаудың отбасы бірлігі мен ұлттық құндылықтарды дәріптеудегі маңызын атап өтіп, қатысушыларды Астана күнімен құттықтап, отбасыларына амандық пен бақ-береке тіледі.

Іс-шара концерттік бағдарламамен жалғасып, жеңімпаз отбасылар өз өнерлерін көпшілік назарына ұсынды. Байқау қорытындысы бойынша 20 үздік қатысушы Алғыс хаттармен және бағалы сыйлықтармен марапатталды.

Еще больше интересного

Сот FlyArystan-ның әрекетін заңсыз деп таныды

Сот Сауда және интеграция министрлігінің FlyArystan компаниясына берген нұсқамасын заңды деп таныды. Тексеру барысында әуе компаниясының ішкі ережелерінен...

 «ЕКІНШІ ДЕҢГЕЙЛІ БАНКТЕР АУЫЛ ШАРУАШЫЛЫҒЫН КРЕДИТТЕУГЕ БЕЛСЕНДІ АТСАЛЫСУЫ КЕРЕК»

https://youtu.be/q4wl6Ud4f1k «Бұл жөнінде де ұдайы айтып жүрміз. Әлбетте, оңай шаруа емес. Өйткені банктер – жекеменшік. Осы ретте кредитті шаруаларға...

ӨҢДЕУ СЕКТОРЫ: ӨНДІРІСТІК ТІЗБЕКТЕР ЭКОНОМИКАЛЫҚ ӘЛЕУЕТТІ АРТТЫРАДЫ

Қазақстанда өңдеу секторын дамытудың жаңа кезеңі өндірістік кооперацияны кеңейту және отандық кәсіпорындардың технологиялық мүмкіндіктерін арттырумен байланысты. Бұл...