Ақтөбе соты емші Бағдагүл Лепесованы Әкімшілік құқықбұзушылық туралы кодекстің «Жала жабу» бабы бойынша кінәлі деп таныды.
Сотта Лепесова өзіне тағылған айыппен келіспей, видеоны өзі жарияламағанын айтты. Ал Баян Алагөзова бейнежазбада ар-намысына тиетін сөздер айтылғанын айтып, кешірім бермейтінін мәлімдеді.
Сараптама қорытындысы бойынша жала жабу дерегі расталған.
Сот шешімімен Бағдагүл Лепесоваға 1 557 000 теңге айыппұл салынды. Айыппұл 30 тәулік ішінде төленуі тиіс.
Сонымен қатар, емшіге қатысты Астанада Қылмыстық кодекстің «Қорлау» бабы бойынша бөлек қылмыстық іс қаралып жатыр.
