Қазақстанның Денсаулық сақтау министрі Ақмарал Әлназарова қайтыс болғаннан кейін ағзаларын донорлыққа беруге келісімін eGov арқылы тіркеді.
Министр бұл шешімді бұрыннан қабылдағанын айтып, донорлық туралы ашық айту маңызды екенін жеткізді.
«Қайтыс болғаннан кейін донорлыққа келісім беру өмір сүруге мүмкіндігі бар басқа адамға көмектесу», – деп жазды министр.
Қазір Қазақстанда шамамен 184 мың адам eGov арқылы “өмірден өткеннен кейін донорлыққа” өз келісімін берген.
Ал бүгінгі таңда 4867 қазақстандық трансплантацияны күтуде.
Бір адамның шешімі – бірнеше адамның өміріне мүмкіндік беруі мүмкін.
