Қазақстанның Энергетика министрлігі Каспий құбыр консорциумының (КҚК) жұмысы толық тоқтатылады деген ақпаратты жоққа шығарды.
Ведомствоның мәліметінше, 31 шілдеде КҚК мұнай құбырының жұмысы уақытша тоқтатылғанымен, жүк жөнелтушілерден мұнай қабылдау және резервуарлар паркін толтыру жалғасып жатыр.
1 тамыздан бастап мұнай қабылдау көлемі тәулігіне 100 мың тоннаны құрайды. Ал тасымалдау көлемін одан әрі арттыру теңіз терминалында танкерлердің уақытылы тиеуге қойылуына байланысты болады.
Министрлік КҚК және жүк жөнелтушілермен тұрақты байланыста екенін, жағдайдың толық бақылауда екенін мәлімдеді.
