Михаил Шайдоровқа қатысты қоғамда талқыланған мәселе өз шешімін тапты,-деп хабарлайды
Туризм және спорт вице-министрі Серік Жарасбаев.
Оның айтуынша, спортшының командасына келісімшарт жолданып, оған қол қойылған. Құжат қолданыстағы заңнамаға сәйкес рәсімделіп, тараптар барлық тармақ бойынша ортақ келісімге келген.
Министрлік келісімшарт аясында қарастырылған қаржының толық көлемде төленетінін мәлімдеді.
Сондай-ақ 5 маусымда Михаил Шайдоров жаңа маусымға дайындық үшін АҚШ-қа аттанады. Ал жақын күндері спортшы мен оның командасы Туризм және спорт министрлігінде болып, алдағы Олимпиадаға дайындық және елімізде мәнерлеп сырғанауды дамыту мәселелерін талқылайды.
