
Ұлттық бірегейлікті сақтау тарихи жадты, ана тілін, дәстүр мен мәдени мұраны ұрпаққа жеткізумен тығыз байланысты. Мәдениет және ақпарат министрлігі бұл бағытта мәдени мұраны қорғау және қоғамдық келісімді нығайту жұмыстарын жүргізуде.
Министрліктің Этносаралық қатынастарды дамыту комитетінің 2026 жылғы I тоқсан қорытындысы бойынша, елде жаңа Конституция жобасын талқылау және түсіндіру мақсатында 400 іс-шара өткізілді. Сауалнамаға қатысқандардың 85 пайызы этносаралық ахуалды тұрақты әрі қолайлы деп бағалаған. Үкімет 2026–2028 жылдарға арналған мәдени мұраны сақтау және ілгерілету жоспарын да бекітті.
Мемлекет басшысы Қасым-Жомарт Тоқаев қазақ тілін «азаматтық интеграцияның тиімді құралы, мәдени-рухани тұтастықтың жарқын көрінісі» деп атады.
Ұлттық бірегейлікті нығайту – тарихи мұраны сақтап, оны келер ұрпаққа аманаттау.





