Сыбайлас жемқорлыққа қарсы іс-қимыл агенттігі таратылып,Ұлттық қауіпсіздік комитетінің құрамына кірді. Ақорданың хабарлауынша, Президент Қасым-Жомарт Тоқаев мемлекеттік басқару жүйесін реформалау туралы Жарлыққа қол қойды. Өзгерістер аясында Антикор таратылып, оның жедел функциялары Ұлттық қауіпсіздік комитетіне беріледі. ҰҚК базасында жаңа орган — Сыбайлас жемқорлыққа қарсы іс-қимыл қызметі құрылады.
Сондай-ақ, Жарлықта қайта ұйымдастырылған Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызметтің) сыбайлас жемқорлыққа қарсы саясатты қалыптастыру мен іске асыру, сыбайлас жемқорлыққа қарсы іс-қимыл саласындағы үйлестіру, сондай-ақ сыбайлас жемқорлық құқық бұзушылықтар жасауға ықпал ететін себептер мен жағдайларды барынша азайту, сондай-ақ сыбайлас жемқорлыққа қарсы мәдениетті қалыптастыру жөніндегі функциялары мен өкілеттіктері Қазақстан Республикасы Мемлекеттік қызмет істері агенттігіне берілсін делінген.
