Әлеуметтік желілерде қыздың фотосессия үшін Бейімбет Майлиннің ескерткішіне шығып, мәдени нысан мен қоғамдық орынға құрметсіздік танытқаны бейнеленген видео тарады.
Полиция қызметкерлері 18 жастағы Астана тұрғынын анықтап, оны «Байқоңыр» аудандық полиция басқармасына жеткізді.
Құқық бұзушы ұсақ бұзақылық жасағаны үшін жауапкершілікке тартылды.
Материалдар шешім қабылдау үшін сотқа жолданды.
Полиция мұндай әрекеттерге жол беруге болмайтынын және мәдениет пен тарихи мұра нысандарына ұқыпты әрі құрметпен қарау қажеттігін ескертеді.
Сондай-ақ ескерткіштерді, мәдениет және тарихи мұра нысандарын қасақана бүлдіру вандализм әрекеті ретінде бағаланатынын және заңда белгіленген жауапкершілікке, соның ішінде қылмыстық жауапкершілікке әкелетінін еске салады.
