Мемлекет басшысы Қасым-Жомарт Тоқаев қонағын әуежайда өзі қарсы алды.
Владимир Путиннің Қазақтанға мемлекеттік сапары 2024 жылдың мамырында болған еді.
Негізі мұндай сапар әлемдік дипломатиялық тәжірибеде бір президенттік мерзімде бір-ақ рет болады. Бірақ бұл жолы Астана ерекше шешім қабылдап, Ресей басшысына тағы да мемлекеттік сапар мәртебесін беріп отыр. Бұл — екі ел арасындағы қарым-қатынастың өте жоғары екенін көрсету үшін жасалған қадам,-дейді сарапшылар.
Путин елімізге мемлекеттік сапары аясында 28-29 күндері өтетін Жоғары Еуразиялық экономикалық кеңестің отырысына қатысады.
Қазақстан мен Ресей арасындағы тауар айналым бірінші тоқсанда 6,46 млрд АҚШ долларын құрап, өткен жылдың сәйкес кезеңімен салыстырғанда 16,1% артты.
