Қазақстандағы саяси партиялардың қатарында тағы бір кадрлық өзгеріс болды. «Ауыл» партиясының кезектен тыс съезінде партия төрағасы Серік Егізбаев өз еркімен қызметінен кететінін мәлімдеді.
Оның айтуынша, бұл шешім партияның жаңарған саяси жүйеге бейімделуі және алдағы сайлау науқанына дайындық жұмыстарымен байланысты.
Съезд делегаттары партия төрағалығына ұсынылған Қайрат Айтуғановтың кандидатурасын бірауыздан қолдады. Аграрлық сала мен мемлекеттік қызметте 40 жылдан астам тәжірибесі бар Қайрат Айтуғанов «Ауыл» партиясының жаңа төрағасы болып сайланды.
Сондай-ақ съезд барысында партия Жарғысына жаңа Конституция талаптарына сәйкес өзгерістер мен толықтырулар енгізу туралы шешім қабылданды.
