Хрусталева: Спортшыларға сын емес, қолдау қажет

Елена Хрусталева Қазақстан құрамасын қолдады.
2026 жылғы Қысқы Олимпиада ойындары жалғасып жатқан тұста қазақстандық құраманың өнер көрсетуі төңірегінде қоғамдық талқылау күшейді. Жанкүйерлер спорттық нәтижелерді ғана емес, қысқы спорт түрлеріне бөлінетін бюджет шығындарын да белсенді түрде талқылап жатыр. Осы жағдайға байланысты Олимпиаданың биатлоннан күміс жүлдегері Елена Хрусталева қазақстандық спортшылардың айтарлықтай психологиялық қысым көріп отырғанын айтты. Бұл туралы ол Қазақстан биатлон федерациясына берген сұхбатында мәлімдеді.

Оның айтуынша, бүгінде спортшылар тек бәсекелестікпен ғана емес, қоғам мен әлеуметтік желілердегі қатаң реакциямен де бетпе-бет келуде. Үздіксіз сын олардың өнер көрсетуіне тікелей әсер етуі мүмкін.

«Спортшыларға бағытталған жағымсыз пікірлер толқыны – стартқа өзімен бірге алып шығатын қосымша қысым. Кез келген стресс – қателікке ұрыну қаупін арттырады», – деді ол.

Сонымен қатар Хрусталева ұлттық құраманың қазіргі мүшелерін ашық қолдады. Оның пікірінше, дәл қазір спортшыларға эмоциялық сын емес, қоғамның қолдауы аса қажет.

Ол медальға жету жолы әрдайым қиын кезеңдерден өтетінін, ал құраманың буын алмасуы – табиғи үдеріс екенін еске салды. Әсіресе бұл құрамда алғаш рет Олимпиадаға қатысып жатқан жас спортшылар бар әйелдер командасына қатысты.

Спортшы саланы қаржыландыру мәселесіне де тоқталды. Оның айтуынша, бөлінетін қаражат спортшылардың дайындығына, экипировкасына, медициналық және ғылыми сүйемелдеуге, сондай-ақ халықаралық деңгейде өнер көрсетуін қамтамасыз ететін мамандардың жұмысына жұмсалады.

Хрусталева спортшыларға қысым көрсетудің орнына, олардың әлеуетін толық ашуға мүмкіндік беретін қолдау ортасын қалыптастыру маңызды екенін атап өтті.

«Біз өз спортшыларымыздың жанында болуымыз керек. Болашақ жеңістер осылай ғана келеді», – деді ол.

Еще больше интересного

Қазақстанда педагогтерге арналған бірыңғай байланыс орталығы іске қосылды

Қазақстанның білім жүйесінде педагог мәртебесін көтеру және ұстаздарымыздың құқықтарын қорғау бағытында нақты қадам жасалды. Елімізде ұстаздарға арналған...

Сот FlyArystan-ның әрекетін заңсыз деп таныды

Сот Сауда және интеграция министрлігінің FlyArystan компаниясына берген нұсқамасын заңды деп таныды. Тексеру барысында әуе компаниясының ішкі ережелерінен...

 «ЕКІНШІ ДЕҢГЕЙЛІ БАНКТЕР АУЫЛ ШАРУАШЫЛЫҒЫН КРЕДИТТЕУГЕ БЕЛСЕНДІ АТСАЛЫСУЫ КЕРЕК»

https://youtu.be/q4wl6Ud4f1k «Бұл жөнінде де ұдайы айтып жүрміз. Әлбетте, оңай шаруа емес. Өйткені банктер – жекеменшік. Осы ретте кредитті шаруаларға...