Жаңа Конституция жобасы бойынша өткен республикалық референдумның алдын ала нәтижелерін Қазақстан Республикасының Орталық сайлау комиссиясы жариялады. Ведомство мәліметінше, дауыс беру өткен деп танылды.
Комиссия төрағасы Нұрлан Әбдіровтің айтуынша, референдумға Қазақстанда және шетелде жалпы 9 127 192 адам қатысты. Бұл дауыс беру құқығына ие 12 482 613 азаматтың 73,12%-ын құрайды.
Алдын ала қорытынды бойынша, жаңа Конституцияны қабылдауды 7 954 667 адам, яғни референдумға қатысқандардың 87,15%-ы қолдады. Ал 898 099 сайлаушы қарсы дауыс берген.
Сонымен қатар 146 558 бюллетень жарамсыз деп танылды. Тағы 126 878 бюллетень жарамды болғанымен, дауыс санын есептеу кезінде ескерілмеген.
