Елден криптовалютаны пайдалана отырып, ауқымды көлемде капиталдың шығарылған. Мәжіліс депутаты Айдарбек Қожаназаров цифрлық активтер заңсыз қаржы шығаруға қолайлы құралға айналғанын айтып, алаңдаушылық білдірді. Оның мәліметінше, криптобиржалар арқылы Қазақстаннан шамамен 15 миллиард доллар сыртқа шығарылған. Бұл мәселе Парламент Мәжілісінің жалпы отырысында айтылды деп хабарлайды pikirmedia.kz
Депутат Қожаназаров Ұлттық банк төрағасының орынбасары осындай ірі көлемдегі қаражаттың шығарылғанын жуырда ғана мойындағанын айтып, таң қалды. Мәжілісменнің айтуынша, басқа елдер криптовалюта транзакцияларын бақылау тетіктерін белсенді түрде әзірлеп жатқанда, Қазақстандағы реттеуші органдардың тым баяу әрекет етуі экономикалық қауіпсіздікке қатер төндіріп отыр. Бұл «немқұрайдылықтың ашық көрінісі, тіпті көз жұмуға жақын әрекет» болып отыр деп алаңдаушылық білдірді депутат .
Осы орайда Қожаназаров Ұлттық банкке криптовалютамен жасалатын транзакцияларды бақылау құралдарын шұғыл түрде әзірлеуді және цифрлық активтердің заңсыз айналымына қатысы болуы мүмкін қаржы институттарына жауапкершілікті жүктеуді ұсынды.
