The New York Times басылымының жазуынша, Иран төңірегіндегі шиеленіс пен Таяу Шығыстағы соғыс салдарынан әлемдік мұнай бағасы күрт қымбаттап, бірқатар елдердің кірісі артқан.
Басылым ең көп пайда көрген мемлекеттер қатарына:
— АҚШ
— Норвегия
— Бразилия
— Ресей
— Қазақстанды енгізді.
NYT мәліметінше, негізгі себеп — Ормуз бұғазы арқылы мұнай тасымалының қиындауы. Бұл бағыт Парсы шығанағындағы экспорт үшін стратегиялық маңызға ие.
Ал Парсы шығанағындағы мұнай экспорттаушы елдер, керісінше, ауыр экономикалық қысымға тап болған. Олардың қатарында: Оман, Иран, Катар, Кувейт, Сауд Арабиясы, БАӘ және Ирак бар.
Сарапшылардың айтуынша, жеткізілім көлемінің азаюы әлемдік нарықта мұнай мен жанармай бағасының шарықтауына әсер еткен.
