15 наурызда елде республикалық референдум өтеді. Күні кеше Конституцияның жаңа жобасын жазып шыққан комиссия Президент Қасым-Жомарт Тоқавтың қабылдауында болды. Ата заңның жаңа жобасымен танысқан Тоқаев енді оны қабылдау үшін референдум өтетін күні жариялап, жарлық шығарды. Президент Жарлығына сәйкес, референдумға «2026 жылғы 12 ақпанда бұқаралық ақпарат құралдарында жарияланған жаңа Конституцияны қабылдайсыз ба?» деген сауал шығарылады. Дайындық жұмысын және референдумды Орталық сайлау комиссиясы өткізеді. Ал қазақсандықтардың таңдауына түсіп жатқан Ата заңның жаңа жобасын қабылдау үшін өтетін республкиалық рефрендумға қазынадан қанша қаржы бөлінеді? Сенатта өткен брифингте Қаржы вице-министрі ОСК өтінімін күтіп отырғандарын айтты.
— Тиісті бюджеттік сұрау әлі қаржы министрлігіне түскен жоқ. Біз ОСК хабарластық, олар бүгін түстен кейін немесе ертең түске дейін сұранымды жіберетін болады. Әзірге ол сұрау түскен жоқ. Референдумға қаражатты үкіметтің резервінен аламыз.
Ал 2022 жылдың 5 маусымында өткен Конституцияға өзгерістер енгізу мәселесі дауысқа салынған республикалық референдумға 15 млрд теңге жұмсалғанын айтты Темірбеков.
