Залал көлемі 11 млрд теңгеден асты: ҰҚК Проблемалық кредиттер қорының экс-басшысын ұстады

Қазақстан Республикасы Ұлттық қауіпсіздік комитетінің Сыбайлас жемқорлыққа қарсы қызметі Қаржы министрлігіне қарасты «Проблемалық кредиттер қоры» АҚ-ның бұрынғы басқарма төрағасының ұсталғанын хабарлады. Бұл туралы ведомствоның Telegram-арнасында мәлім етілді.

ҰҚК мәліметінше, экс-басшы қызметтік өкілеттігін асыра пайдаланды деген күдікке ілінген.

«Тергеу материалдарына сәйкес, ол кепілге қойылған мүлікті сатудан түскен қаражатты қорға аудару орнына, жеке меншік иесіне заңсыз түрде ұстап қалуға мүмкіндік берген. Соның салдарынан мемлекетке 11,4 млрд теңге көлемінде залал келтірілген», — делінген хабарламада.

Сондай-ақ ҰҚК бұрынғы басшы мемлекеттік мүлікті төмендетілген бағамен сатып, нәтижесінде бюджетке 1,3 млрд теңгеден астам қаражат түспей қалғанын мәлімдеді.

Бұдан бөлек, борышкер компаниялардың меншік иесі және оның болжамды сыбайластары да ұсталды. Тергеу нұсқасына сәйкес, олар жалған құжаттар жасау арқылы кепілдегі жер телімдерін сатып, қорға 800 млн теңге көлемінде шығын келтірген.

Сот санкциясымен күдіктілер ҚР Қылмыстық кодексінің «Алаяқтық» және «Қызметтік өкілеттікті теріс пайдалану» баптары бойынша қамауға алынды. Олардың мүлкіне тыйым салынды. Қазіргі уақытта сотқа дейінгі тергеу жүргізілуде.

Ведомство мәліметінше, ҚР ҚПК-нің 201-бабына сәйкес өзге ақпарат жарияланбайды.

Бұған дейін журналист Михаил Козачков күдікке ілінгендердің қатарында 2018 жылғы қазаннан 2019 жылғы сәуірге дейін қорды басқарған бұрынғы басқарма төрағасы Дәулет Бақбергеннің қамауға алынғанын хабарлаған.

Еще больше интересного

Қазақстанда педагогтерге арналған бірыңғай байланыс орталығы іске қосылды

Қазақстанның білім жүйесінде педагог мәртебесін көтеру және ұстаздарымыздың құқықтарын қорғау бағытында нақты қадам жасалды. Елімізде ұстаздарға арналған...

Сот FlyArystan-ның әрекетін заңсыз деп таныды

Сот Сауда және интеграция министрлігінің FlyArystan компаниясына берген нұсқамасын заңды деп таныды. Тексеру барысында әуе компаниясының ішкі ережелерінен...

 «ЕКІНШІ ДЕҢГЕЙЛІ БАНКТЕР АУЫЛ ШАРУАШЫЛЫҒЫН КРЕДИТТЕУГЕ БЕЛСЕНДІ АТСАЛЫСУЫ КЕРЕК»

https://youtu.be/q4wl6Ud4f1k «Бұл жөнінде де ұдайы айтып жүрміз. Әлбетте, оңай шаруа емес. Өйткені банктер – жекеменшік. Осы ретте кредитті шаруаларға...