Астана қаласының Дін істері жөніндегі басқармасы діни материалдарды заңсыз таратқаны үшін«уағызшы» Дарын Мубаровты осымен екінші рет жауапқа тартты.
Айта кету керек, бұған дейін, 2025 жылдың қазанында ол осы әрекеті үшін жауапқа тартылған болатын. Осылайша, азамат бір жыл ішінде заң талаптарын елемей, қайта жауапты болып отыр.
Осы дерек бойынша ДІБ қызметкерлері ҚазақстанРеспубликасының Әкімшілік құқық бұзушылықтуралы Кодексінің 490-бабы 8-бөлігі бойынша әкімшілік хаттама жасады. Осы баптың 1-бөлігінің 3-і тармақшасында көзделген құқық бұзушылықты әкімшілік жаза қолданылғаннан кейін бір жыл ішінде құқық бұзушылық қайталанды.
Сот шешімі бойынша Д.Мубаров әкімшілік құқық бұзушылықты қайта жасағаны үшін кінәлі деп танылды.
Оған 200 айлық есептік көрсеткіш (АЕК) мөлшерінде айыппұл түрінде әкімшілік жаза тағайындалды, бұл бүгінгі күні 865 000 теңгені құрайды.
Қазақстан Республикасының заңнамасын қатаң сақтаудың маңыздылығын және діни мазмұндағы материалдарды таратудың белгіленген тәртібін бұзуғажол бермеуді еске саламыз.
