«Дала дәмі» жәрмеңкелеріне 3,5 мың тоннаға жуық өнім шығарылды

Қазақстанның барлық өңірінде өтіп жатқан «Дала дәмі» ауыл шаруашылығы жәрмеңкелерінде сатылымға шығарылған өнім көлемі 3,5 мың тоннаға жуықтады. Бұл өткен аптадағы көрсеткіштен шамамен екі есе көп.

Жәрмеңкелер ҚР Сауда және интеграция министрлігінің бастамасымен ұйымдастырылуда. Негізгі ерекшелігі – шаруалар өнімдерін делдалсыз, тікелей тұтынушыға ұсынады. Жәрмеңкеге әлеуметтік маңызы бар азық-түлік тауарлары да шығарылады, ал сауда орындары шаруаларға тегін беріледі.

Осы демалыс күндері Астанада Абай, Маңғыстау және Алматы облыстарының шаруалары өнімдерін саудалап жатыр. Алматыда жәрмеңке бірден төрт нүктеде ұйымдастырылып, онда 600 тонна ауыл шаруашылығы өнімі ұсынылған. Ал Шымкенттегі жәрмеңкеге фермерлер 500 тоннадан астам өнім әкелді.

Жәрмеңкелерде ет өнімдеріне сұраныс жоғары. Қарағанды облысындағы сауда орындарында 52 тонна сиыр еті сатылымға шығарылған. Астанада Абай облысының шаруалары сиыр және жылқы етін килограмын 3500 теңгеден ұсынып отыр. Қостанайда сиыр етінің келісі 3200-3500 теңге, жылқы және қой еті 3000 теңгеден басталады.

Ұйымдастырушылардың мәліметінше, жәрмеңкелердегі баға нарықтағы орташа деңгейден 20 пайызға дейін төмен.

«Дала дәмі» жәрмеңкелері биыл қыркүйек айынан бастап еліміздің барлық өңірінде ортақ атаумен өткізіліп келеді. Жоба отандық шаруалар мен тұтынушыларды тікелей байланыстыруға бағытталған.

Еще больше интересного

Қазақстанда педагогтерге арналған бірыңғай байланыс орталығы іске қосылды

Қазақстанның білім жүйесінде педагог мәртебесін көтеру және ұстаздарымыздың құқықтарын қорғау бағытында нақты қадам жасалды. Елімізде ұстаздарға арналған...

Сот FlyArystan-ның әрекетін заңсыз деп таныды

Сот Сауда және интеграция министрлігінің FlyArystan компаниясына берген нұсқамасын заңды деп таныды. Тексеру барысында әуе компаниясының ішкі ережелерінен...

 «ЕКІНШІ ДЕҢГЕЙЛІ БАНКТЕР АУЫЛ ШАРУАШЫЛЫҒЫН КРЕДИТТЕУГЕ БЕЛСЕНДІ АТСАЛЫСУЫ КЕРЕК»

https://youtu.be/q4wl6Ud4f1k «Бұл жөнінде де ұдайы айтып жүрміз. Әлбетте, оңай шаруа емес. Өйткені банктер – жекеменшік. Осы ретте кредитті шаруаларға...