«Концерт кезінде қауіпсіздік талаптарына сай келмейтін қызмет көрсету фактісі бойынша қылмыстық іс тіркелді. Адамдардың көптеп жиналуынан концертке келген қыздардың бірі зардап шекті. Ол медициналық мекемеде дәрігерлердің бақылауында. Іс-шараны ұйымдастырушылар полицияға жеткізілді. Сотқа дейінгі тергеу аясында оқиғаның барлық мән-жайы анықталып жатыр», – деп хабарлайды полиция.
10 қазанда Шымкентте өткен Қайрат Нұртастың концертіне кіреберісте кептеліс болып, адамдардың жаппай қысылып қалғаны түсірілген видеолар тарады.
Концерттің билет сатылымын ұйымдастырған Freedom Афиша көрермендерді кіргізу мен күзет жұмыстары олардың міндетіне кірмегенін, концерттің ұйымдастырушысы – Show Service екенін мәлімдеді.
