«Тазы лигасы — 2025»: Жүйрік тазылар жарысы өтті

Бүгін Ақмола облысы Ақжар ауылында қазақтың тазы тұқымын насихаттауға бағытталған «Тазы лигасы – 2025» атты ауқымды жарыс өтті.

Іс-шараға ҚР Парламенті Мәжілісі депутаты, аграрлық мәселелер жөніндегі комитет төрағасы, «Ауыл» партиясының төрағасы Серік Егізбаев және Мәжіліс депутаттары Жигули Дайрабаев, Қарақат Әбден, «Ауыл» партиясының Жастар қанаты, қоғам белсенділері, тазы асыраушылар қатысты. Ерекше сайысты мыңнан астам адам тамашалады.

Мәжіліс депутаты Серік Егізбаев бұл жарыс «Ауыл» партиясының 25 жылдығына орай және қазақтың ұлттық брендін һәм құндылығын дәріптеу мақсатында жүзеге асқанын атап өтті.

«Қазақ үшін тазы жеті қазынаның бірі. Бұл жай ғана сөз емес, ата-бабамыздан келе жатқан терең таным, халқымыздың бай мәдениетінің, соның ішінде аңшылық өнерінің ерекше символы. Біз осы табиғаттың бірегей жаратылысын сақтап, келер ұрпаққа аманат етіп қалдыруымыз керек. Осы бағыттағы жұмыстарды бір жүйеге келтіруіміз қажет. Бүгінгі іс-шара тазыны тек Қазақстанда ғана емес, шет елдерге де таныту, ұлттық брендті әрі ұлттық спортты – тазы жарысын халықаралық деңгейге шығару жолындағы маңызды қадам», — деді депутат.

Жарысқа 220-дан астам тазы қатысты. Жүлде қоры – 2 200 000 теңге.

Тазы иелері арасында бірінші орынды Астана қаласынан келген Мұрат Мансуров жеңіп алды, екінші орынды Қарағанды қаласынан қатысқан Азамат Төкешов иеленді. Үшінші орын да Қарағанды қаласынан келген тазы асыраушыға – Нұрдәулет Мырзахановқа бұйырды.

Ұрғашы тазылардың жарысында Қарағанды қаласының тұрғыны Қазбек Абдрахмановтың иті бірінші келді. Павлодар қаласынан қатысқан Диас Мұқашевтың жүйрігі екінші орын алды. Ал үшінші орынды Қарағанды қаласынан келген Жан Төлеуов еншіледі.

Тағы оқыңыз...

Сот FlyArystan-ның әрекетін заңсыз деп таныды

Сот Сауда және интеграция министрлігінің FlyArystan компаниясына берген нұсқамасын заңды деп таныды. Тексеру барысында әуе компаниясының ішкі ережелерінен...

 «ЕКІНШІ ДЕҢГЕЙЛІ БАНКТЕР АУЫЛ ШАРУАШЫЛЫҒЫН КРЕДИТТЕУГЕ БЕЛСЕНДІ АТСАЛЫСУЫ КЕРЕК»

https://youtu.be/q4wl6Ud4f1k «Бұл жөнінде де ұдайы айтып жүрміз. Әлбетте, оңай шаруа емес. Өйткені банктер – жекеменшік. Осы ретте кредитті шаруаларға...

ӨҢДЕУ СЕКТОРЫ: ӨНДІРІСТІК ТІЗБЕКТЕР ЭКОНОМИКАЛЫҚ ӘЛЕУЕТТІ АРТТЫРАДЫ

Қазақстанда өңдеу секторын дамытудың жаңа кезеңі өндірістік кооперацияны кеңейту және отандық кәсіпорындардың технологиялық мүмкіндіктерін арттырумен байланысты. Бұл...