Астанада тұрғын үй кешенінің маңындағы ашық автотұрақта бес жеңіл көлік өртенді. Бұл туралы ҚР Төтенше жағдайлар министрлігі хабарлады.
Өрт Сарайшық ауданындағы Ахмет Байтұрсынұлы көшесінде болған. Құтқарушылар оқиға орнына жеткенде көліктерді жалын толық шарпыған.
Қатты желдің салдарынан өрт көршілес көліктерге тез тараған. Өрт сөндірушілер шақырту түскеннен кейін шамамен жеті минутта оқиға орнына жетіп, қызыл жалынды бірнеше минут ішінде сөндірді.
Өрттің шығу себебін мамандар анықтап жатыр.
ТЖМ қатты жел кезінде өрттің тез тарайтынын ескертті. Сондықтан түтін немесе жалын байқалған жағдайда дереу төтенше жағдайлар қызметіне хабарлау қажет.
