Қазақстан мен БАӘ арасында 5 млрд доллардың келісіміне қол қойылады. Ақордада Мемлекет басшысы Қасым-Жомарт Тоқаев Абу-Дабидің Тақ мұрагері шейх Халед бен Мұхаммед бен Заид Әл-Нахаянмен кездесті.
Бұл стратегиялық салалардағы одан ары ынтымақтастығымыз үшін жаңа серпін беру тұрғысында аса маңызды кездесу болып табылады деді қазақ басшысы. Тақ мұрагерінің осы сапары аясында, 5 млрд долларды құрайтын 20-дан астам келісімге қол қою көзделіп отырғаны айтылды. Оның ішінде экономиканы дамытуға бағытталған түрлі жобалар бар.
Мемлекет басшысы БАӘ Қазақстандағы ең үздік 10 шетелдік инвесторлардың қатарына кіретінін атап өтті. Өткен жылы БАӘ-дан Қазақстанға келген шетелдік инвестиция көлемі 100 пайызға артқан.
