Ақжолдықтар 13 маусым күні кезекті Съезін өткізетінін хабарлады. Бұл ақпаратты партия төрағасы Азат Перуашев өзінің телеграм арнасында жариялады.
Күн тәртібінде жаңадан қабылданған Халықтық Конституция талаптарына сәйкес партия Жарғысына өзгерістер енгізу, партия бағдарламасының жобасын жетілдіруге қатысты өңірлік филиалдардың ұсыныстарын қарау және басқа да өзекті мәселелер бар.
Съезд аралас форматта ұйымдастырылып, делегаттарға офлайн және онлайн қатысу мүмкіндігі ұсынылады. Барлық делегаттар үшін міндетті верификация рәсімі жүргізіледі.
Съезд қорытындысы бойынша қабылданған шешімдер туралы қосымша ақпарат жарияланатын болады.
