21 маусым күні «Астана – Қорғалжын» автожолында Kia, Toyota Fortuner және Toyota Land Cruiser көліктерінің қатысуымен жол-көлік оқиғасы болды.
Соқтығыс салдарынан екі Toyota маркалы автокөлік өртенді.
Алдын ала мәлімет бойынша, жол апатынан бес адам қаза тауып, тағы бес адам түрлі дене жарақаттарымен медициналық мекемелерге жеткізілді.
Қазіргі уақытта аталған факті бойынша сотқа дейінгі тергеу жүргізілуде. Апаттың барлық мән-жайы анықталып жатыр.
Ақмола облысының Полиция департаменті жүргізушілерді жол қозғалысы ережелерін қатаң сақтауға, жылдамдық режимін бұзбауға және жолда барынша мұқият болуға шақырады.
